[Findhorn 花精] 空間清理

有時候空間真的很有限， 地方也只有這麼大， 再大的空間如果不時時清理一下也會有爆滿的一天，人也是一樣， 有時會想想為什麼自己無辦法擁有別人那些？ 羨慕別人總是很輕易， 但你又是否有回望一下自己是否有那個空間、那個胸襟去容納那些東西？ 反正係屋企， 不如先幫自己做一個大掃除吧！ 包括你的房間、你的電話、更重要的是你的情緒？ 屋企、電話大掃除我明丫， 情緒又可以點樣大掃除呀？其實方法好多架， 你試下google 清理情緒的方法， 真係乜都有架， 可以免費又可以好貴， 方法真係好多架， 但係你真係想咁做嗎？ 還是想抱著那種怨那種恨那種不知是誰的情緒繼續過日子？ 無晒仇人無晒敵人人生無左方向咁點算呀？可能你會話， 邊有咁誇張呀？ 我生活得好好呀， 係人地唔好之嘛！
咁你有無諗過， 外面就係自己內在的一塊鏡， 你愈感覺到糟糕內心或者都帶著嗰種糟糕👎
林一峰有首歌叫《鏡子說》
「面對多少忐忑艱難　問問為何是我
要感激這一切　成長要經洗禮
讓我繼續前行　無堅不摧的走過」
無論過去經歷過乜野， 你願意放下執著、清理自己的情緒， 至可以繼續前行架！加油啦！
明明想講執嘢又講左去清理情緒😅
今日Findhorn大貨終於送到， 黎到真係無辦法又忍唔住係度清理和掉野， 花精靈都喜歡乾淨和舒服的地方啦！每次清理都好多回憶返返黎， 但係唔再適用便要放手了！
好明顯花精靈🧚‍♀️🧚除左開心，仲好勤力，而家成屋都係貨， 我真係要再努力啲啦🤪 但係見到佢地我又好開心🥳
清潔完噴返空間噴霧， 心情超好， 很感謝🧚🧚‍♀️也很感恩英國封左關我都收到貨🙏🌺🍀🌼🌻🌷
願這些美麗的花精可以為香港帶來輕鬆和祝福的能量🌺🧚‍♀️🧚 

FINDHORN花精於UNBOUND網店有售 CLICK HERE